Saturday, September 15, 2007

നന്മയിലേക്ക് - റമദാന്‍ മൂന്ന്

മനുഷ്യനിലെ മൃഗീയതയെ ഇല്ലായ്മ ചെയ്യലാണ് നോമ്പനുഷ്ഠിക്കുന്നതുകൊണ്ടുള്ള മറ്റൊരു പ്രധാന്യം. അനിയന്ത്രിതമായ് ഭോഗം, അപഥ സഞ്ചാരം, അഹങ്കാരം തുടങ്ങിയ ദുര്‍ഗുണങ്ങള്‍ മനുഷ്യനെ മൃഗമാക്കുകയാണ്. അസൂയ കുശുമ്പ്, ക്രോധം, അഹംഭാവം എന്നിവ പലജാതി ജന്തുക്കളില്‍ പലരീതിയില്‍ കണ്ടുവരുന്ന ദുര്‍ഗ്ഗുണങ്ങളാണ്. വിവിധ ജാതി നാല്‍ക്കാലികളുടെഈ ഗുണങ്ങളെല്ലാം ചേര്‍ന്നു വരുന്ന ചില ജന്തുക്കള്‍ ഇരുകാലി മനുഷ്യരിലുമുണ്ട്. മൃഗീയസ്വഭാവത്തില്‍നിന്ന് മനുഷ്യന്റെ സംസ്കാരത്തിലേക്ക് ഉയരാന്‍ പറ്റാതെപോയ ഇരുകാലികളാണവര്‍. അങ്ങനെയുള്ളവരെ നിര്‍ബന്ധപൂര്‍വ്വം മനുഷ്യത്വത്തില്ലേക്കുയര്‍ത്തുവാനുള്ള ഒരു സംവിധാനമാണ് നോമ്പ്. വര്‍ഷാവര്‍ഷം ആവര്‍ത്തിച്ചു വരുന്ന ഈ നോമ്പുകാലം ഒരുവനെ തിന്മ വെടിഞ്ഞ് നന്മയിലേക്കടുപ്പിക്കുവാന്‍ സഹായകമാണ്. ആത്മ നിയന്ത്രണം വരുത്താത്തവന്റെ നോമ്പ് അല്ലാഹുവിന് ആവശ്യമില്ല തന്നെ. അവന്‍ പകലു മുഴുവന്‍ പട്ടിണിയിരുന്നു എന്നതു മാത്രമാണ് ആ നോമ്പുകൊണ്ടുള്ള മെച്ചം.

നമ്മുടെ ഹൃദയത്തില്‍ നിന്ന് അധമവികാരങ്ങളായ, മനുഷ്യനെ മൃഗാവസ്ഥയിലേക്ക് നയിക്കുന്ന, കോപം, അസൂയ, ക്രോധം, അഹങ്കാരം, ഗീബത്ത് (മറ്റുള്ളവരുടെ കുറ്റം പറച്ചില്‍) തുടങ്ങിയവയെ പടികടത്തുവാന്‍ നാമനുഷ്ഠിക്കുന്ന വ്രതത്തിലൂടെ നമ്മുക്ക് കഴിയട്ടെ.

1 comment:

ഏ.ആര്‍. നജീം said...

റമദാന്‍ ആശംസകള്‍